| Rampy | : | a.: Jar. Ramby.
Ahitsio |
| Ramy | : | a.: Hazo lehibe fahita amin'ny faritra atsinanana sy andrefan'ny Nosy, fanaovana lakana — noho izy mety ho be velarana — sy izay faritra tsy hita maso amin'ny fanaka (toy ny vatasarihana); fa ny tena ahafantaran'ny maro ny ramy dia ny ditiny anaovana emboka manitra. (Canarium Madagascariense).
Ahitsio |
| Ramy | : | a.: Ditin-kazo fanembohana sady fampiasa koa hanosorana ny fandidian-dokanga; ilazana koa ny hazo mahitsY.
Ahitsio |
| Rana | : | a.: Omby vahiny tsy misy trafo.
Ahitsio |
| Ranabavy | : | a.: Anarana anajan' ny lehilahy ny vehivavy iray tam-po aminy: Aoka re, ranabavy, aza misahirana mahandro vary ho ahy amin' izao elanelam-potoana izao ianao. ? h.i.: Ilazana koa ny vadin'ny zaodahy.
Ahitsio |
| Ranadahy | : | a.: Anarana anajan' ny vehivavy ny lehilahy iray tain-po aminy: Miandry andranadahy eto aho fa ho avy hitsidika aty, hono, izy. ? h. i.: Iantsoana ny vadin'ny zaobavin'ny tena koa.
Ahitsio |
| Ranakandriana | : | a.: Zavatra tsy hita vatana, ninoan'ny Ntaolo ho "mpamoaka ny fitahian' Andriamanitra, aloalon'ny tany sy ny lanitra", ka nanaovan'ny olona hataka sy vavaka ary hasim-bola, ka nanome, hono, raha hitany fa mahatsara ny olona mangataka ny zavatra angatahiny.
Ahitsio |
| Ranandria | : | (Ski) a.: Teny fanajana iantsoana ny olona izay itenenana, toy ny "Andriamatoa, Ramatoa: Mba omeo rano aho, Ranandria.
Ahitsio |
| Ranaotra | : | a.: Anarana ilazana na iantsoana ny zaodahy na ny zaobavin'ny tena, izany hoe ny iray tam-po amin'ny vady: Mitsako tsy re ka ken-da vao "dony aho, ranaotra" (Ohab. enti-milaza olona manao zavatra an-tsokosoko ka misy fahavoazana manjo vao miantso vonjy amin'ny hava-na na sakaiza).
Ahitsio |
| Ranatra | : | (Ski) a.: Lefona roa samy kelikely, fitondramandeha.
Ahitsio |
| Randramadinika | : | a.: Fombandrandram-bolo atao toy izao: atao madinika ny fizarana ny son-bolo vao arandrana, ary ny sori-bolo voarandrana tsy atambatra raha tsy vita daholo izy rehetra amin'ny ila loha; avy eo a-tao tahaka ny bangoankatoka ihany.
Ahitsio |
| Randrana | : | a.: Fanamboarana-4' ny volo lava ho misy ampehezany telo avy, izay ampidipidirina ho toy ny kofehy, ka ireo indray dia ampifamatorina hanana endrika samihafa araka ny karazany tiana hatao: randra-madinika, randran-telo an'ila... na randranampanga, randravonkalana... - t.i.f : Randranina, arandrana, voarandrana / mandrandrana, fandrandrana, mpandrandrana / andrandranana, fandrandranana / mirandrana, firandrana, mpirandrana / irandranana, firandranana I maharandrana I randrandrandrana. - Randram-bao mahataitra: izay rehetra vao manaitra ny maso avokoa. / Manao randran-tarihina: manaraka ny efa fanao teo aloha ihany. / Mitomany randrana manendrika ny sasany: tsy mitsapa raha manendrika ny tena izay atao na tsia, fa ataon'ny hafa ka dia mba a-tao koa. Karazan-drandrana sy taovolo hita amin'ny foko sasantsasany: Antaimoro: Lafitriakondro, Ny telo an-kila, Tsitombotomboka, Vakimanasa — Betsileo: Bango, Ban-go anakova, Bango tsotra,
Ahitsio |
| Randrana tsotra | : | (Btl) a.: Randram-bolo betsileo mitokantokana ary avona ao an-katoka.
Ahitsio |
| Randranampanga | : | a.: Karazandrandrana mifanahatahaka amin'ny ravin'ampanga ny fisehony rehefa vita.
Ahitsio |
| Randranina | : | (randrana) mt. ih. (randran): (volo na tady) A-tao misy ampehezany telo na maro izay ampidipidirina ho toy ny kofehy ka ireo indray ampifamatonna.
Ahitsio |
| Randranketsa | : | (Btl) a.: Randram-bolo betsileo miendrika ketsa maniry izay madinika dia madinika sady matetika dia matetika.
Ahitsio |
| Randrantsintongatonga | : | a.: Karazan-drandrana mandeha ambaratonga sahala amin'ny tohatohatra.
Ahitsio |
| Randravonkalana | : | a.: Karazandrandrana vita vona tahaka ny halana.
Ahitsio |
| Randriana | : | a.: Teny manaja fanao amin'ny lehilahy, toy ny hoe Andriamatoa, na Randriamatoa.
Ahitsio |
| Randriatra | : | a.: Anaran-kazo (Philippia)
Ahitsio |
