Safotra | : | p. t.: Rendrika ao anaty...; tototra ao anaty...: Safotry ny rano ny tanimbolinay tamin'ny fahavaratra lasa teo. ? h.o.: Feno, rakotra, tototra, henika: Safotry ny hafaliana ny reniko nahita ahy tafaverina. / Safo-kenatra izy namakivaky ireo olona maro be teo an-tokotaniny. ? Tsy mahatsiaro tena na very saina noho ny fangirifiriana vokatr'aretina na noho ny fihetsehampo be loatra: Notenenin-drainy mafy izy dia safotra foana tao. * t.i.f.: Saforana, asafotra, voasafotra / manafotra, fanafotra, mpanafotra / anaforana, fanaforana / mahasafotra. - F.-p.: Safo-drano: fihoaran'ny rano ivelan'ny masondrano noho ny habetsahan'ny orana ka mahatonga azy hihanaka eran'ny manodidina. / Safo-drazana: lambamena arakotra faty mitandahatra ho solon-dambampamadihana ho azy ireo. / Safo-drorohany: ny jabora mandrakotra ny rorohan' omby. / Safononoka: feno hatreny amin'ny molony. / Safo-tany: aretina tsy dia manahoana loatra nefa mahavoa ny olon-drehetra. ¶ M. h.: Po-tany.
Ahitsio |
Safovava | : | : Teny milaza hafenoana raha mamatra vary, ohatra, ka mifarana amin' ny vava kapoaka ny vary (jer. avo loha, kapavava). - t.i.f. : Manasaha.
Ahitsio |
Safy | : | Safiny a.: Fanampiny, famenony (akanjo). - t.i.f. : Safina, asafy, voasaf y / manasaf y, fanasafy, mpanasafy 1 anasafena, fanasafena / misaf y, fisaf y, mpisaf y / mahasafy 1 safisafy.
Ahitsio |
Saha | : | a.: Tany malalaka tsy misy ala na tanàna fa saika fambolena fotsiny (mitovy amin' ny "ambanivohitra" izy amin'ity hevitra ity) : Mahafinaritra fa tsara rivotra ny mipetraka any an-tsaha. ? Tany voavoly somary lehibebe izay saika matetika voafaritra; tanimboly: Kisolosolo tsara ny saham-boalobokay. / Hatreto no ho miantsinanana no misy ny sahanay. * t.i.f. : Antsahabeny, kisahasaha.
Ahitsio |
Sahabo | : | p. mt.: Teny enti-milaza habe na isa, na refy, na halavirana, na lanjan-javatra, tsy tena marina fa eo ho eo fotsiny: Sahabo ho valo kilaometatra avy eto no misy ny tanànanay. ¶ M.h.: Tokony, tokotokony ho.
Ahitsio |
Sahady | : | p. mt.: Enti-milaza fotoana tsy da., fa haingana tsy tahaka ny nanampoizana azy: Vao volana septambra izao; nefa toa tonga sahady ity ny orana. * t.i.f. : Manahady.
Ahitsio |
Sahafa | : | a.: Hazo mitapelaka lehibe, matetika boribory, fanofana vary (misy koa vy na ravina natao hanofana vary ka notondroina mazava tsara hoe: sahafa vy, sahafa harona). - F.-p.: Sahafa volamena: teny ampiasain'ny mpanoratra matetika hilazany an' ohatra ny masoandro.
Ahitsio |
Sahala | : | p. t.: Enti-milaza fitoviana ara-bidy, lanja...: Mandehana amin'izao ianareo fa efa sahala izao ny anjaranareo. / Mitovy fa tsy sahala ireto satroka roc ireto, be vidy kokoa iroa volombatolalaka iroa. ? ppk.: Sahala amy...: tahaka ny, toy ny: Ny maka tsy miera dia sa-hala amin'ny mangalatra ihan y. - F.-p.: Tsy mahazo an-tsahala: resy. / Tsy manan-tsahala: tsy misy mitovy aminy, ambony dia ambony. ¶ M. h.: Sahalahala, mitovitovy, mifanahantsahana, mifanahatahaka, mifanendrahendra, mifandraidraika, mifandrindrarindra, mifanakaikikaiky, mifanentanentana, mifanendrihendry.
Ahitsio |
Sahana | : | a.: Fiandraiketana, fanatrehana asa na raharaha. ? Mitovy amin'ny sakana. * t.i.f. : Sahanina, voasahana / misahana, fisahana, mpisahana / isahanana, fisahanana / mahxsahana / sahantsahana / mifanahantsahana.
Ahitsio |
Sahanina | : | (sahana) mt. ih. (sahano): Atao, iandraiketana, vonjena miaraka: Sahaniny avokoa ny zavatra rehetra ka tsy misy vitany tsara.
Ahitsio |
Sahary | : | a.: Karazan-damba misy soratsorany ny sisiny.
Ahitsio |
Sahato | : | a.: Ozona na ompa mirivirivy. - t.i.f.: Sahatoina, asahato, voasahato / misahato, fisahato, mpisahato / isahatoana, fisahatoana / mahasahato / sahatohato.
Ahitsio |
Sahatoina | : | (sahato) mt. ih. (sahatoy): Ozonina.
Ahitsio |
Sahatra | : | a.: Karazandrazan'ody mahery famosaviana.
Ahitsio |
Sahatra | : | a.: Mitovy amin'ny Fampanonona.
Ahitsio |
Sahaza | : | a.: Tahona metaly, matsilotsilo ny lohany, izay manondro ny minitra (sahazabeny) ary ny ora (sahazakeliny) amin'ny famantaranandro: tafahodina tanteraka ny boribory amin'ny famantaranandro ny sahazabeny no mikisaka mahavita ny ampaharoa ambin'ny folony ny sahazakeliny.
Ahitsio |
Sahaza | : | p. t.: Antonina, ampy: Sahaza hividianana ireto zavatra rehetra ireto ve ny vola any aminaoF ? Mifanandrify, mifanentana: Nahita raharaha sahaza ny zanakao aho. ? Antonina, mety: Sahaza ho an'ny faralahy tsara lahy ity pataloa ity. - t.i.f.: Manahaza.
Ahitsio |
Sahazany | : | (fr. sergent) a.: Anarana nentina nilaza ny miaramila telo voninahitra tamin' ny andro malagasy fahiny.
Ahitsio |
Sahiaka | : | p. t.: Fisapisaka sady tsy lalina aty, talesaka mipelapelaka: Vil?a sahiaka.
Ahitsio |
Sahina | : | (sahy) mt. ih. (sahio): Ompana, tevatevaina.
Ahitsio |