| Tandonaka | : | a.: Andriana na hova ka navotan'ny mpanjaka ary dia tonga mpanompony.
Ahitsio |
| Tandra | : | Fiasana misy vavany roa mahazo mifanatona ary toa miketoka ka afaka mamia zavatra, ampiasaina hanongotam-pantsika na hitazonana ny vy mahamay hotefena. - t.i.f.: Tandraina, atandra, voatandra, tinandra / manandra, fanandra, mpanandra / anandrana, fanandrana.
Ahitsio |
| Tandra | : | (Btm) a.: Fanomezana mariky ny fifonana noho ny fahadisoana.
Ahitsio |
| Tandra | : | Fanomezana manokana omena zaza mbola tsy teraka na zaza marary mba hirariana na hisambasambana fahaterahana na fahasitranana soa aman-tsara ho azy. - t.i.f.: Tandraina, atandra, voatandra, tinandra / manandra, fanandra, mpanandra / anandrana, fanandrana.
Ahitsio |
| Tandra | : | (Ski) a.: Tolotra orne-na ny zanaka na ny zafy.
Ahitsio |
| Tandraholatra | : | a.: Karazan-tany menamena ataon'ny olona fandalorana.
Ahitsio |
| Tandraina | : | (tandra) mt. ih. (tandrao): Ongotana amin' ny tandra.
Ahitsio |
| Tandraina | : | (tandra) mt. ih. (tandrao): (zaza) Omena fanomezana mba hisambasambana fahasitranana ho azy.
Ahitsio |
| Tandrametaka | : | p.t.: Vita kitoatoa toy ny napetapetaka fotsiny, zara fa vita.
Ahitsio |
| Tandrano | : | a.: Ireo monina amoron-drano na eny an-keniheny.
Ahitsio |
| Tandrantandrana | : | a.: Fijery miherikerika etsy sy eroa toy ny an'ny olona bado ketrinketrina. - t.i.f.: Mitandrantandrana, fitandrantandrana, mpitandrantandrana / itandrantandranana, fitandrantandranana.
Ahitsio |
| Tandrefana | : | (andrefana) a.: Enti-milaza ny olona avy any andrefana. — Raha ilazana ny fizaran'ny tany lehibe io teny io, dia entina milaza ny olona avy any amin'ny ilan'ny tany heverina fa ilentehan'ny masoandro, dia i Eoropa izany, A-merika... mifanohitra amin' ny Tatsinanana, karazan'olona monina amin'ny ilany atsinanana amin'ny tany (A-zia, Japana...).
Ahitsio |
| Tandremana | : | (tandrina) mt. ih. (tandremo): Afantoka aminy ny saina amana eritreritra: Tandremo tsara izay soratanao, fa ny soratra mijanona. ? Ambenana, andrasana, karakaraina mba tsy hisy simba: Tsy notandremanao tsara ny akohokely ka nisy latsaka tao am-pantsakana. ? A-rahina, tanterahina: Raha te ho voavonjy ianao, tandremo ny didy. ? Atao izay tsy hahavoa ny tena: Tandremo sao solafaka.
Ahitsio |
| Tandremo | : | fa an 'izay mamaky ihany ny fanoloana ny fitaratra vaky na simba.
Ahitsio |
| Tandrena | : | na Tendrena (tan-dry) mt. ih. (tandreo, tendreo): Endrikendrehina, tsaratsaraina foana, tombotombohina.
Ahitsio |
| Tandrendrena | : | p. t.: Adaladala, ketrina, taraiky. * t.i.f• : Mitandrendrena, fitandrendrena, mpitandrendrena.
Ahitsio |
| Tandrevaka | : | p.t.: Tsy voakendry na mba nomanina fa toa nataotao vonjy maika na kitoatoa fotsiny: Nahandro tandrevaka.
Ahitsio |
| Tandrify | : | ppk.: Manatrika ny, mifanatrika amy: Tandrifin' ny lapan'ny tanàna no misy ny tranony. ? Sahaza, antonona: Tandrify ho vadinao io zazavauy io ka aza misalasala./Tandrify azy mihitsy ilay aga. (Tsara homarihina fa amin'ilay hevitra (1) dia tandrifin'ny, tandrifiko, tandrifinao, tandrifiny... no ampiasaina, fa amin' ilay hevitra (2) kosa, tandrify ny, na tandrify ahy, tandrify anao, tandrify azy..., ka fiteny diso ny hoe: tandrifin'azy). - t.i.f. : Tandrifina, atandrify, voatandrify / manandrify, fanandrify, mpanandrify / fanandrifiana, anandrifiana / mifanandrify / mahatandrify.
Ahitsio |
| Tandrimo | : | a.: Kilalao vita amin'ny hazo natao boribory kitsoloha misy fantsika, izay hodidinina kofehy, ka rehefa atsipy amin'ny tanY ny tandrimo ka somary sintonina ny kofehy, mivaha haingana ilay izy ary mihodinkodina eo ambonin'ny fantsika ny tandrimo: Milalao tandrimo. - F.-p.: Kapo-tandrimo, vely tandrimo: kapoka mafy mirivirivy. ¶ M.h.: Sangodina.
Ahitsio |
| Tandrina | : | a.: Fiambenana, fiandrasana, fampifantohana ny saina amana eritreritra amin-javatra anankiray; fanarahana, fanatanterahana didy na lalàna: Ratsy tandrina ny nanaovany ny ankizy./A-taovy tsara tandrina ny didy. * t.i.f : Tandremana, atandrina, voatandrina / mitandrina, fitandrina, mpitandrina / itandremana, fitandremana 1 mahatandrina.
Ahitsio |
